د کابل ښار په یوه ښوونځي کې علمي او اصلاحي برنامه جوړه شوه
د پوهنې وزارت د دعوت او ارشاد رئیس محترم الحاج مولوي جمعه خان سروري، د کابل ښار د لومړۍ تعلیمي حوزې اړوند د عاشقانو او عارفانو ام/ارتي ښوونځي کې په یوه اصلاحي برنامه کې ګډون وکړ او د یادې تعلیمي حوزې مسوولينو، د ښوونځي ښوونکو او زدهکوونکو ته یې هراړخيزه علمي وینا وکړه.
په ياده برنامه کې د عاليقدر امیرالمٶمنين حفظه الله تعالى او مسوولینو د اطاعت، په ټولنه کې د نظم او یووالي د ارزښت، د دیني پوهاوي د پیاوړتیا، د اسلامي ارزښتونو د ساتنې، د ایمان، علم او ښو اخلاقو ترمنځ د اړیکې، د نفس د تزکیې او اخلاص په اړه هر اړخیزې علمي او اصلاحي لارښوونې وشوې.
همدارنګه د اسلام د سترو علماءکرامو او پوهانو د علمي او اخلاقي ژوند د بېلګو پر تعقیب، د اسلامي ارزښتونو او افغاني فرهنګ پر ساتنې، پالنې، او د ځوان نسل په روزنه کې د علم، ایمان او اسلامي اخلاقو پر مهم رول ټینګار وشو.
د یاد سیمینار اساسي موخه د ښوونکو او زدهکوونکو د دیني او علمي پوهاوي لوړول، د اسلامي اخلاقو پیاوړتیا، د مسوولیتپالنې د روحیې وده او د ځوان نسل سالمه اسلامي او اخلاقي روزنه وه.
