د پکتیکا ولایت د تعلیمي مرکزونو ۶۲ تنو اداري کارکوونکو د مسلکي وړتیاوو لوړولو لپاره یو ورځنی روزنیز سیمینار ترسره شو
یاد سیمینار چې د پکتیکا ولایت پوهنې ریاست لخوا د اداري پروسو سره د اجرایوي مدیرانو او نورو اداري منسوبینو د بلدتیا او د دوی د کاري مهارتونو لاښه والي په موخه تنظیم شوی و، د یاد ریاست د دوو تجربه لرونکو کارکوونکو لخوا تدریس او د رسمي مکتوبونو او مکاتیباتو، د اسنادو مدیریت او د اداري پروسو ښه کولو په څیر موضوعاتو په اړه بحث وشو.
د یادونې وړ ده چې ګډونوالو د پوهنې وزارت د مشرتابه ستاینه وکړه، په راتلونکي کې یې د ورته روزنیزو پروګرامونو د ترسره کولو غوښتنه وکړه، ترڅو هغوی وکولی شي خپلې دندې په اغېزمنه توګه ترسره کړي.
