په هرات ولایت کې له دوه بابه ښوونځیو سره د ۷۰۰ زره افغانیو مرسته وشوه
ځایي خلکو او د ښوونځیو شورا غړو د هرات ولایت له شیرین عظیم او استقلال ښوونځیو سره د ۷۰۰ زره افغانیو نغدي مرسته وکړه.
یاده مرسته د پنځو درسي خونو په جوړولو او د ښوونځیو لپاره د څښاک پاکو اوبو لپاره د ژورې څاه په کیندلو کې لګول شوې، چې ورسره په پورته ذکر شویو ښوونځيو کې د درسي خونو د نشتوالي او څښاک پاکو اوبو د نشتوالي ستونزه حل شوه.
د پوهنې وزارت مشرتابه د هرات ولایت د پوهنې مینه والو له مالي ملاتړ څخه قدرداني کوي.
