پوهنیز نظام سره د پکتیکا ولایت د اوسېدونکو مرستې دوام لري
د پکتيکا ولايت پوهنې رئيس مولوي عبدالوکيل خالد، د پوهنې په برخه کې د خلکو د ونډې په اړه وويل: د یاد ولايت د خلکو له لوري د ۸۵۰ زره افغانیو په ارزښت، په سروبي ولسوالۍ کې د "روح المدارس عيسى خېل" مدرسې لپاره د يو محراب جومات جوړېدو چارې پيل شوې دي.
همدا راز نوموړي زیاته کړه: د سروبي ولسوالۍ د پنځه خواه بدر خېل کلي اوسېدونکو هم په خپل کلي کې د یو باب مدرسې جوړولو لپاره ۱۷۵۰ متره مربع ځمکه وقف کړې ده او تمه ده، په نیږدې راتلونکي کې یې د جوړېدلو چارې پیل شي.
د پوهنې وزارت مشرتابه له پوهنیز نظام سره د هېوادوالو، په ځانګړې توګه د پکتیکا ولایت د خلکو له همکاریو او ملاتړ قدرداني کوي.
