په ولایتونو کې د پوهنې خبرونه

فراه:
د فراه ولايت د بالابلوک ولسوالۍ د پوهنې آمر مولوي عبدالبصير سعيدي له تعلیم القران، حشره مبشره او د فاروقیې مدرسو څخه ليدنه وکړه.
نوموړي د يادو مدرسو د راجستریدو د موضوع تر څنګ د مسوولينو ستونزې او وړانديزونه یې هم واورېدل.
 هرات:
د هرات ولايت د پوهنې ريس مولوي شهاب الدين ثاقب او ورسره مل پلاوي د پول رنګينه د هلکانو له لېسې څخه ليدنه وکړه او د اداري او تدريسي چارو د لا ښه والي په موخه يې مسوولينو او ښوونکو ته لازمې لارښوونې وکړې.
همدارنګه:
 د دغه ولایت د پوهنې ریاست د عمومي زده کړو آمر مولوي عبدالجلیل مزمل له خپل کاري ټیم سره د بازنګی عطا له لېسې څخه لیدنه او څارنه وکړه.
کاپیسا:
د کاپیسا ولایت د پوهنې ریاست تدریسي مرستیال استاد خان اغا هارون د دغه ولایت په اله سای ولسوالۍ کې د حسن شهید عالي لېسې، تنګي خېلو لومړني ښوونځي، نسوان راه سنګ او عبدالقادر فاروقي له دارالحفاظ څخه لیدنه وکړه.
جوزجان:
د جوزجان پوهنې ریاست د لاس مینځلو نړیواله ورځ ولمانځله.
د دغه ولايت د پوهنې رياست د اسلامي زده کړو آمر مولوي احمدشاه مولوي زاده د لاس مينځلو د نړيوالې ورځې په مناسبت د پوهنې وزارت پيغام ولوست او د اسلام له نظره يې د پاکوالي په اړه خبرې وکړې.
بدخشان:
دبدخشان ولايت د پوهنې ريس مولوي محراب الدين اقبال په يوه کاري غونډه کې له خپلو کارکوونکو وغوښتل چې دخپلو دندو په اجرا کولو کې دې صداقت او ایماندارۍ په پام کې ونیسي.