په هرات ولایت کې د ۷ بابه ښوونځیو بیارغونې چارې پیل شوې
د پوهنې په برخه کې یو همکار بنسټ په پام کې لري، چې د هرات ولایت په مرکز او ولسوالیو کې د ۲۱ زره ډالرو په ارزښت، د ۷ بابه ښوونځیو ودانۍ بیاورغوي.
په همدې موخه د هرات ولایت د مرکز اړوند د فتح عالي لېسې په انګړ کې، د پوهنې ریاست د مشرتابه، قومي مشرانو، یو شمېر ښوونکو او زده کوونکو په حضور کې مراسم ترسره شول.
د هرات ولايت پوهنې رئيس مولوي رحمت الله جابر په ويناء، د پوهنې وزارت د ښوونځيو بيارغونه او رغونه له خپلو کاري لومړيتوبونو څخه ګڼي او په یاد ولایت کې يې د ۷ بابه ښوونځيو د بيارغاونې له پيلېدو خوښي څرګنده کړه.
