آغاز کار ترمیمات ۷ باب مکتب در ولایت هرات

یک نهاد همکار با معارف در نظر دارد تا ۷ باب مکتب را به ارزش ۲۱ هزار دالر در مرکز و ولسوالی‌های ولایت هرات ترمیم نماید.

به همین مناسبت مراسمی با حضور رئیس و رهبری ریاست معارف، بزرگان قومی، جمعی از استادان و شاگردان مکاتب مرکز ولایت هرات در صحن لیسه ذکور فتح برگزار شد.

به گفتهٔ مولوی رحمت‌الله جابر رئیس معارف ولایت هرات، وزارت معارف ترمیم و اعمار مکاتب را از اولویت‌های اساسی کاری خویش دانسته و از آغاز ترمیم پروسهٔ ۷ باب مکتب در مرکز و ولسوالی‌های آن ولایت ابراز خرسندی نمود.