په لغمان ولایت کې د یوې مدرسې لپاره د ودانۍ جوړولو چارې پیل شوې
د لغمان ولایت فرشغان ولسوالۍ اړوند ماشکندي کلي په سعد بن ابي وقاص رضي الله عنه دیني مدرسه کې د نوې ودانۍ جوړولو چارې د ۱.۵ میلیونه افغانیو په لګښت پیل شوې.
یاده وداني پر هغه ځمکه جوړېږي، کوم چې د سیمې یوه اوسېدونکي لخوا پوهنې ته وقف شوې ده.
د یاد ولایت پوهنې مسوولینو په وینا، دغه وداني به د سیمې د اوسېدونکو په مالي ملاتړ جوړه شي، چې لس درسي ټولګي، کتابتون او نور ملحقات به ولري.
د دغې ودانۍ په بشپړېدو سره به له ۳۵۰تنو څخه زیاتو طلابو ته د زده کړو مناسب چاپېریال او اسانتیاوې برابرې شي.
