په زابل کې د نجونو د روغتیا ساتنې نړیواله ورځ ولمانځل شوه
د پوهنې وزارت_زابل: د زابل ولایت د پوهنې ریاست لخوا د نجونو د روغتیا ساتنې نړیواله ورځ د کلات ښار د چهل دختران په لېسه کې د یو لړ مراسمو په ترځ کې په داسي حال کې چې د پوهنې ریاست تدریسي مرستیال د یادې لېسې مدیرې ښوونکو اوزده کوونکو برخه درلوده ولمانځل شوه.
د غونډې په پیل کې د چهل ختران د لېسې مدیرې اغلې تورپیکۍ په خپلو خبرو کې وویل چې موږ ته لازمه ده خپلې حفظ الصحې ته پام وکړو او په دې سره به مو خپله او د نورو روغتیا تضمین کړې وي هغې له زده کوونکو و غوښتل هیله مې داده چې په ګډه تل خپلو چارو او روغتیا ته پام وکړو.
همدا راز د پوهنې ریاست تدریسي مرستیال روزي محمد صدیقي له نجونو زده کوونکو وغوښتل ترڅو د ښې روغتیا لپاره دي خپل ځان او چاپیریال پاک وساتي ترڅو له یو شمېر ساري ناروغیو څخه په امان شي هغه وویل روغتیا کولای شي چې زموږ او ستاسو پر ورځني درس ښه تاثیر وکړي نو ځکه اړینه ده چې باید موږ خپلې روغتیا ته پاملرنه وکړو.
