په بدخشان ولایت کې د ۲ مېلیونه او ۷۰۰ زره افغانیو په لګښت د یوې دیني مدرسې د نوې ودانۍ چارې پیل شوې
د بدخشان ولایت واخان ولسوالۍ یو تن دیني عالم او دیندار شخصیت مولوي نجیب الله بدخشي د یاد ولایت په خواهان ولسوالۍ کې د "دعوة القرآن و السنة" مدرسې لپاره چې ۳۳ کاله مخینه لري، په خپل شخصي لګښت نوې ودانۍ جوړوي.
د یادې ودانۍ ټولیز لګښت ۲ مېلیونه او ۷۰۰ زره افغانۍ اټکل شوی، چې ټاکل شوې په دوه جرېبه ځمکه کې د ۶ درسي خونو او نورو اړینو آسانتیاوو سره جوړه شي.
د پوهنې د مسئولينو په وينا، د دغه مدرسې د جوړېدو چارې چې له وړاندې پيل شوې، په چټکۍ سره روانې دي او په نږدې راتلونکي کې به يې کارونه بشپړ شي.
د پوهنې وزارت رهبري د بدخشان ولایت د دغه علم پرور شخص له مرستې مننه کوي.
