میدان وردک کې د زنګ په کړنګولو سره نوي تعلیمي کال پیل شو
په میدان وردک ولایت کې ۱۳۹۸ پوهنیز کال د دولتي چارواکو، دیني عالمانو او قومي مخورو لخوا د ښوونځي زنګ په وهلو سره رسمآ پیل شو.
په یادومراسمو کې د پوهنې رئیس دوکتور محمد سعید منصور سربیره د ميدان وردګو والي، ولایتي شورا رئیس، دپارلماني چارو وزارت دتقنین رئیس استاد نعمت الله محمودي، دولایتي شورا غړو، دولایت اړوند ادارو رئیسانو، سپین ږیرو، دپوهنې کارکوونکو، ښوونکو او زده کوونکو ګډون کړی و.
دپوهنې رئیس دولایت درهبرۍ څخه دمننې ترڅنګ دزده کوونکو دارتقای ظرفیت بېلابیلو برنامو دتطبیق په برخه کې دهمکارۍ هیله وکړه او له ولسونو یې وغوښتل چې د پوهنې له ریاست سره شته همکاريو ته دوام ورکړي. نوموړي د معارف ریاست کارکوونکو ته ډاډ ورکړ چې د ټولو پلانونو په تطبیق کې به ورسره همکاري کوي.
همداراز دمیدان ورک ولایت چارواکو او قومي مشرانو ددې ولایت له ټولو اوسیدونکو څخه وغوښتنه وکړه، چې په خپلو ماشومانو زده کري وکړي او ښوونځیو ته یې ولیږي، ترڅو له نړیوالو سره دعلم په برخه کې ګران هيواد سيال شي.
