له ولایتونو څخه د پوهنې خبرونه
نورستان
د نورستان ولایت د پوهنې رئیس مولوي تاج محمد مطمئن د دې ولایت په مرکز کې د شیخ ابراهیم لېسې د اداري او تدریسي وضعیت څخه د لیدنې پر مهال له ښوونکو، زده کوونکو او یو شمېر قومي مشرانو سره د پوهنې د ملاتړ په باب خبرې وکړې.
نوموړي د اداري او علمي اسنادونو د ارزونې ترڅنګ د لېسې له ليليې څخه هم ليدنه وکړه، د زده کوونکو ستونزې يې واورېدې او د حل ژمنه يې وکړه.
د یادونې وړ ده چې یاده لیلیه شاوخوا ٤٠٠ زده کوونکي لري.
بلخ
د بلخ ولایت د پوهنې رئیس الحاج مولوي عبدالجلیل شهیدخیل د صلح مزاري عالي لېسې له اداري او تدریسي چارو څخه څارنه وکړه.
لغمان
د لغمان ولایت د الینګار ولسوالۍ د پوهنې آمر د دې ولسوالۍ د خصوصي مدارسو له مسئولینو سره د لیدنې پر مهال په نوي تشکیل کې خصوصي مدارسو ته د ځانګړې شوې سهمیې په اړه خبرې وکړې.
میدان وردګ
د حضرت محمد رسول الله صلی الله علیه وآله وسلم د سیرت سیالۍ چې څه موده وړاندې د میدان وردګ ولایت د چک ولسوالۍ د اتفاق اله سنګ لېسې د زده کوونکو ترمنځ په لاره اچول شوې وې، په پایله کې فیصل د جنت ګل زوی د ۱۰۰ نمرو په ترلاسه کولو سره لومړی مقام خپل او د غوره زده کوونکي په صفت وستایل شول.
