د مشرانو جرګې پلاوي د لغمان ولایت د پوهنې له رئيس سره وکتل
د پوهنې وزارت_لغمان: د مشرانو جرګې غړو هر یو عبداللطیف نهضت یار، میرحاتم تره خیل، محمداجان منګل، اغلې ګلمرۍ لغمانۍ او میناشیرزاد د لغمان ولایت د پوهنې رئيس عبدالله حميدي سره وکتل ، راغلي پلاوې خپلې موخې پوهنې رییس سره شریکې کړې چې دپوهنې رییس عبدالله حمیدي له لوري ورته د ښه راغلاست تر څنګ د پوهنې ریاست کاري فعالیتونو،پرمختګونو ،ننګونو او ستونزو یې رڼا واچوله ، د تشکیل کموالی ، د مسلکي ښوونکو ګمارل ، د کتابونو کمښت او د زده کوونکو لپاره د خوندي چاپيريال کمبود په هکله يې له راغلي پلاوي سره خبرې وکړې .
همداراز د اسلامي زده کړو آمر حیات الله فرقاني د دارالعلوم دیارلسم ټولګي نجونو څانګې لپاره د بدیل اعاشې او دیني مدارسولپاره دیني کتابونو دکمبود ستونزه شريکه شوه چې دسناتورانو له لوري ټولې ستونزې واوريدل شوې او ښاغلو سناتورانو ديادو ستونزو دحلولو لپاره ډاډ ورکړ .
ژمنه يې وکړه چې ټولې ستونزې به د کابينې وزيرانو ته پر مخ ږدي ، تعقيبوي به يې ترڅو د ياد رياست ستونزې هوارې شي.
