داوطلبۍ اعلان
پوهنې وزارت، په شرایطو برابر ټولو داوطلبانو ته په درنښت بلنه ورکوي، چې د ۱۴۰۵ لمریز کال لپاره د اساسي او ثانوي زدهکړو ریاست د اړتیا وړ د نارینه او ښځینه زدهکوونکو لپاره ۹۸۰ جوړې د څارندوی جامو او ورسره د ۱۱ قلمه لوازمو برابرولو او پېرلو په داوطلبۍ کې ګډون وکړي.
ټاکل شوې داوطلبان د اړوندې شرطپاڼې سافټ کاپي ترلاسه او خپلې داوطلبۍ، د شرطپاڼې له درج شویو شرایطو سره سم، د قراردادونو د قانون او تدارکاتو د کړنلارې له مخې، په سر تړلي ډول د اعلان له خپرېدو څخه د ۱۴۰۵ لمریز کال د وږي/ سنبلې میاشتې تر ۳۰مې نېټې، د سهار تر ۱۰:۰۰ بجو پورې د پوهنې وزارت د تدارکاتو ریاست ته، چې د کابل ښار ده افغانان سیمې ته څېرمه د محمدجان خان واټ پر سړک موقعیت لري، وسپاري.
د داوطلبۍ تضمین اړین نه دی.
د داوطلبیو پرانیستغونډه به د ۱۴۰۵ لمریز کال د وږي/ سنبلې میاشتې په ۳۰مه نېټه، د سهار په ۱۰:۰۰ بجو د پوهنې وزارت د تدارکاتو ریاست په تالار کې ترسره شي.
د پوهنې وزارت
د نشراتو او عامه اړیکو ریاست
