پکتیا کې د ښوونکي ورځ د یو لړ مراسمو په ترڅ کې ونمانځل شوه
د پوهنې وزارت_پکتیا: د پکتیا ولایت د پوهنې ریاست له لوري د ښوونکو ورځ د یو لړ ځانګړو مراسمو په ترڅ کې ولمانځل شول، په همدې مناسبت زده کوونکو د ښوونکو د درناوي ترانې زمزمه کړې او مسؤلینو د ښوونکو پر مقدسې دندې او د دوی پر دروند مسؤلیت خبرې وکړې.
د پکتیا پوهنې رئیس استاد کوچي ځاځي په همدې مناسبت جوړې شوې ناستې ته په خبرو کې وویل: زمونږ ټول اداري خدمتونه د ښوونکي او زده کوونکي لپاره دي، زمونږ عملي د کار په ساحه کې لومړی استاد دی چې زیار ګالي زده کوونکي ښه وروزل شي نوموړي وړاندې وویل چې تل یې د ښوونکو له حقونو دفاع کړی او په راتلونکي کې به هم ددوی لپاره د لا ښو امکاناتو برابرولو په موخه خپلې هلې ځلې نه سپموي.
