په کابل ولایت کې د یوې لېسې احاطوي دېوال له جوړولو څارنه وشوه
د کابل ولایت پوهنې ریاست د رهبري د لارښوونې پر بنسټ، د یاد ریاست تخنیکي ټیم د پوهاند نګهت سعیدي لېسې د ډبرین احاطوي دېوال جوړولو بهیر څخه څارنه وکړه، کوم چې دغه لېسه د چهار آسیاب ولسوالۍ په مربوطاتو کې موقعیت لري.
د مسئولینو په وینا، د پوهنې وزارت د پروژو د څارنې موخه دا ده چې ودانیز کارونه له لوړ کیفیت سره سم ترسره او همدغې موخې ته د رسېدو لپاره له پروژو څخه پرلپسې څارنه کېږي.
د یادونې وړ ده، د دغه احاطوي دېوال جوړولو لګښت یو مېلیون او ۸۳۴ زره افغانۍ اټکل شوی، چې مالي بودیجه یې د اسلامي ا/مارت له لوري تامین شوې ده.
