په بغلان ولایت کې د ۴ مېلیونه افغانیو په ارزښت د یوې دیني مدرسې د ودانۍ بنسټ ډبره کېښودل شوه
د بغلان ولايت په دهنه غوري ولسوالۍ کې د عبدالله بن عباس (رضی الله عنه) د مدرسې د بنسټ ډبرې اېښودلو په مراسمو کې، د پوهنې رئيس الحاج مولوي محمد نور عزيزي، د پوهنې رياست مسئولينو، دولایت مقام مرستیال، علماءکرامو او د خلکو استازو ګډون درلود.
د بغلان ولايت پوهنې رياست د مسئولینو د څرګندونو له مخې: د دغه دیني مدرسې ودانۍ څه د پاسه ۴ مېليونو افغانيو په لګښت د یادې ولسوالۍ د اوسېدونکو په مالي لګښت جوړېږي، چې ټولې لازمې آسانتياوې به ولري.
په ورته مهال د پوهنې رئيس او نورو مسئولينو په ټول هېواد کې د ديني او عصري علومو د پراختيا او پياوړتيا په تړاو د پوهنې وزارت د موخو په اړه خبرې وکړې.
د خلکو په استازيتوب يو شمېر کسانو د يادې موضوع په اړه خبرې وکړې او د پوهنې وزارت له پروګرامونو يې خپل ملاتړ اعلان کړ.
