لغمان کې د وخت څخه مخکي تعلیم  د ټولګیو لپاره ښوونکي ګمارل کېږي

په لغمان ولایت کې دوخت څخه مخکي تعلیم  د ټولګیو لپاره د ښوونکو د ګومارنې آزموینه واخیستل شوه.
په دغه آزموینه کې ۳۲ تنو د نیمه لوړو زده کړو او لوړو زده کړو ښځینه فارغانو ګډون کړی وو، چې د یوې رڼې پروسې په پایله کې به دوخت څخه مخکي تعلیم  د ټولګیو لپاره د ښوونکو په توګه د یاد ولایت په مرکز او ولسوالیو کې پر دنډو وګمارل شي.
د لغمان د پوهنې رییس عبدالله حمیدي د آزموینې ګډونوالو ته د بشپړ شفافیت ډاډ ورکړ او ژمنه یې وکړه، چې د یو تن حق به هم نه تلف کېږي 
یاد ښوونکي د پوهنې وزارت د لارښوونې له مخې د یو نیسف نړیوالی موسسي لخوا استخدامیږي.
د ازموینې له ګډونوالو به د یوې رڼې او شفافې پروسې له لارې ۱۵  تنه پر دنډو وګومارل شي، چې له ګومارنې سره به سلګونو تنو ماشو مانو ته د زده کړو زمینه برابره شي. 
د نوموړو ښوونکو معاشونه، د زده کوونکو درسي کتابونه، قرطاسیه او د اړتیا وړ نور توکي یادې مرستندویه ادارې پر غاړه اخیستي دي.