د پوهنې وزارت د تفتیش رئیس بادغیس ولایت ته سفر وکړ
د پوهنې وزارت د تفتیش رئیس محترم مولوي عتیق الله مؤذن د خپل کاري سفر په ترڅ کې بادغیس ولایت ته لاړ او هلته یې د یاد ولایت له پوهنې رئیس محترم مولوي صدیق الله محسن سره وکتل.
په دې لیدنه کې د پلاوي د سفر پر موخو او د بادغیس ولایت د پوهنې ریاست پر ښوونیز، مالي او اداري وضعیت تفصيلي خبرې وشوې.
ياد پلاوي، د اداري قوانینو او اصولو پر رعایتولو، د نافذه کړنلارو پر تطبیق، د پوهنې ریاست په مالي او اداري چارو کې پر څارنې، روڼتیا او نورو اړوندو موضوعاتو ټینګار وکړ.
همدارنګه، د پوهنې وزارت د تفتیش رئیس د خپل سفر په ترڅ کې د یاد ولایت د پوهنې ریاست د داخلي تفتیش، مالي او اداري، خدماتو، تدارکاتو او د قراردادونو او قوانینو برخو ۳۰ تنو کارکوونکو ته د مسلکي وړتیاوو لوړولو په موخه څلور ورځنۍ مسلکي او روزنیزه برنامه هم پیل کړه.
