د لندن نړیوال کنفرانس په څنډه کې د افغانستان پوهنې وزیر د Discovery Education بنسټ له استازي سره وکتل
پوهنې وزارت- لندن: پوهنې وزیر ډاکټر محمدمیرویس بلخي د ۲۰۲۰ د ښوونې او روزنې نړیوالې غونډې نړیوال کنفرانس په څنډه کې د discovery education نړیوال بنسټ د ښوونې برخې له مدیر فواد سوزعلي سره لیدنه او خبرې اترې وکړې.
په دې لیدنه کې پوهنې وزیر ډاکټر بلخي او د discovery education نړیوال کنفرانس د ښوونې برخې له مدیر فواد سوزعلي سره په افغانستان کې د تجربو د تبادلې او د ښوونیزو خدمتونو بدلون په برخه کې د جدي همکاریو پر پیل ټينګار وکړ.
ډاکټر بلخي په دې لیدنه کې د مرکز په ګډون د افغانستان په ۳۴ ولایتونو کې د ښوونیزو خدمتونو په برخه کې د پوهنې وزارت لاسته راوړنو د تشریح ترڅنګ، د هیواد د ښوونې او روزنې ستونزې او زیانونه هم تشریح کړل.
پوهنې وزیر د ښوونې او روزنې ښه والي لپاره د discovery education بنسټ سره د همکاریو د نوي فصل له پیل څخه د خوښي د څرګندولو ترڅنګ، د افغانستان ماشومانو د ښوونې او روزنې څخه د نړیوالو مرسته کوونکو د ډير ملاتړ غوښتونکۍ شو.
د discovery education نړیوال بنسټ د ښوونې برخي مدیر په دې لیدنه کې د افغانستان د ښوونې او روزنې سره پر همکاریو ژمنه وکړه او په مصر او یو شمیر نورو هیوادنو کې د نرم افزارانه ښوونیز نصاب په برخه کې د یاد بنسټ د بریالیو تجربو څخه یادونه وکړه.
د discovery education بنسټ استازي په افغانستان کې د نرم افزارانه ښوونیز نصاب طرحي پلي کولو لپاره چمتوالۍ وښود.
د یادونې وړ ده چې پوهنې وزیر د 2020 The Education World Forumنړیوال کنفرانس کې د ګډون په موخه چې د ۲۰۲۰ کال د جنوري د میاشتې له ۱۹ څخه تر ۲۲ نیټې (د تلې د ۲۹ مې څخه د سلواغې تر ۲مې ) پورې په لندن کې د تر سره کیدو په حال کې ده، انګلستان هیواد ته سفر کړۍ دۍ.
د ښوونې او روزنې نړیواله غونډه هر کال دا نړیوال کنفرانس د ۱۰۰ څخه د زیاتو هیوادونو د پوهنې وزیرانو او استازو په شتون کې د ښوونې او روزنې خدمتونو پراختیا او ښه والي، په ښوونیزو سیستمونو کې د شته ننګونو ارزونې او همدارنګه په ښوونه او روزنه کې د نړیوالو نویو لارو د کارونې په موخه تر سره کیږي.
