د سرپل ولایت پوهنې مسئولینو لپاره د عملیاتي پلان د راپور نوې بڼې تشرېح کولو سیمینار پرانیستل شو
د سرپل ولایت د مرکز او ولسوالیو آمرینو لپاره د عملیاتي پلان راپور د نوې بڼې تشرېح کولو په نوم یو ورځنی روزنیز پروګرام، د پوهنې رئیس محترم مولوي محمد رحماني او د یاد ولایت د مرکز او ولسوالیو پوهنې آمرینو او چارواکو په حضور کې جوړ شو.
د پوهنې رئیس په خپله وینا کې د داسې سیمینارونو له ترسره کولو څخه خوښي څرګنده او د هغو موخه یې اداري آمرینو او چارواکو ته د دوی د کاري راپورونو تنظیم لپاره د لا ډېر پوهاوي ورکول وبلل او زیاته یې کړه چې دقیق او منظم راپور ورکول د اړوندو څانګو د چارو پرمختګ لپاره د بریالیتوب اصلي ستنه ده او چارواکي مکلف دي چې خپل تعلیمي او اداري فعالیتونه د عملیاتي پلان سره سم په منظم او هدفمند ډول مدیریت کړي.
ورپسې د یاد پروګرام روزنیزه برخه په رسمي ډول پیل او د پوهنې ریاست روزونکو له خوا وړاندې شوه.
