سرکانوکې تړلي یو ښوونځي پرانېستل شول
د کنړ ولایت دسرکانو ولسوالۍ د ګنجګل سیمې کې له تېرو څو کلونو راهیسې د تړلیو یو باب ښوونځي دروازه بېرته د زده کوونکو پرمخ پرانېستل شوه
. دغه ښوونځي د کنړ د پوهنې ریاست او د سیمې د قومي مشرانو په هلو ځلو بېرته پرانېستل شوي ده.
د یاد ولایت د پوهنې رییس مجیب الرحمن همدرد وايي، چې د سیمې د اوسېدونکو په هلو ځلو او غوښتنو یې ددغه ښوونځي بیا پرانېستي ته زمینه برابره کړې او هیله ښيي، چې له پرانېستو سره به یې له ښوونځي محرومو سلګونو زده کوونکو ته د زده کړو آسانتیاوې برابرې شي.
ښاغلی همدرد زیاتوي، چې پوهنې ریاست هڅه کوي د یادې ښوونځي زده کوونکو ته درسي کتابونه، قرطاسیه او نورو درسي توکي هم برابر کړي، څو وکولای شي په ښه توګه خپلو زده کړو ته دوام ورکړي.
