د پوهنې محترم وزیر د هېواد شمالي ولایتونو ته د خپل رسمي سفر په ترڅ کې بلخ ولایت ته ورسېد
د پوهنې وزیر محترم الحاج مولوي حبیبالله آغا، د یو رسمي سفر په ترڅ کې بلخ ولایت ته لاړ او هلته یې له پوهنې رئیس محترم مفتي محمد شریف عثماني، مسئولینو او د ښوونیزو پروګرامونو له آمرینو سره وکتل.
همدارنګه د پوهنې محترم وزیر د مزارشریف ښار د ابوذر غفاري او فیضعام دیني مدارسو او د باختر او افغان ترک لېسو او دغه راز د بلخ ولسوالۍ د امام بخاري (رضياللهعنه)، فاروقیه او منبعالعلوم امام ابو حنیفه (رحمهاللهعلیه) مدارسو څخه لیدنه وکړه.
په ورته مهال نوموړي په خپلو خبرو کې مسئولینو ته د الهي احکامو، د نبي کریم (صلاللهعلیهوسلم) د سنتو او د ا.ا.ا.د عالي مقام د اوامرو د تطبیق سپارښتنه وکړه او له هغوی یې وغوښتل چې د ښوونې او روزنې د ودې لپاره جدي هڅې وکړي.
په پام کې ده، چې د پوهنې محترم وزیر به د یاد سفر په ترڅ کې د هېواد په شمالي ولایتونو کې یو شمېر مهمې تعلیمي پروژې هم پرانیزي.
