په کابل ولایت کې له راستنېدونکو کډوالو ماشومانو څخه د سویې د تثبیت ازموینه واخیستل شوه
د کابل ولایت پوهنې ریاست په ۱۴۰۴ لمریز کال کې له ۴۵ راستنېدونکو کډوالو ماشومانو څخه د تعلیمي کچې ارزونې وروستۍ ازموینه واخیسته.
په همدې مناسبت په جوړو شویو مراسمو کې، د پوهنې چارواکو د ازموینې له پروسې د څارنې پرمهال ډاډ ورکړ چې، د تعلیمي کچې په ټاکلو او رسمي ښوونځیو ته د راستنېدونکو زدهکوونکو پېژندلو په برخه کې به خپلې هڅې جاري وساتي.
د مسئولینو په وینا، د زدهکوونکو دا شمېر به د کابل ولایت د ښوونځیو له اووم څخه تر یوولسم ټولګي پورې د دوی د تعلیمي کچې پر اساس شامل شي.
