په لوګر ولایت کې د یوې دیني مدرسې لپاره نوې ودانۍ جوړېږي
د لوګر ولایت چرخ ولسوالۍ اړوند په آبجوش کلي کې د عبدالله الماس دیني مدرسې لپاره نوې ودانۍ جوړولو چارې، د یادې ولسوالۍ د خلکو لخوا د ورکړل شوې دوه جرېبه ځمکې په ساحه کې د پوهنې مسئولینو او د یادې ولسوالۍ د خلکو په حضور کې پیل شوې.
یاده مدرسه چې اوسمهال پکې۱۶۰ تنه طلاب زدهکړې کوي، په پلان کې ده، چې د عامو خلکو په مرسته د۲ مېلیونه افغانیو څخه په زیات لګښت سره جوړه شي، چې ودانۍ یې یوه اداري خونه او ۴ درسي خونې لري.
د پوهنې وزارت د هېواد د خلکو له مادي او معنوي ملاتړ، په ځانګړې توګه د لوګر ولایت علم پروره خلکو د اخلاص څخه مننه کوي.
