ننګرهار ولایت کې د ۴۴ مېلیونه افغانیو په لګښت د یو باب ښوونځي ودانۍ ورغول شوه
د ننګرهار ولایت خوګیاڼو ولسوالۍ اړوند چتلې لېسې د ودانۍ رغنیزې چارې، چې یو کال وړاندې د ۴۴ مېلیونه افغانیو په لګښت د یوې همکارې ادارې په مرسته پیل شوې وې، د پوهنې رئیس مولوي محمد شریف «حلیمي»، مسئولینو، علماءکرامو او د یادې ولسوالۍ د خلکو د استازو په حضور کې ګټې اخیستلو ته وسپارل شوه.
د یاد ښوونځی ودانۍ په ۸۴۰ پایو مېزونو -- څوکیو سمبال۲۴ درسي خونې، ۲ لابراتوارونه، ۲ کمپیوټر خونې، لمریزې برېښنا سیسټم، او نور اړین محلقات لري، چې په دې سره له ۲۵۰۰ تنو څخه زیاتو زده کونکو ته د ښوونې او روزنې خوندي چاپېریال رامنځته شو.
