د پوهنې وزارت د تشکیلاتو رئیس له لوري د کابل ولایت په ولسوالیو کې د پوهنې آمریتونو تشکیلاتي کمښت په نمونوي توګه وارزول شو
د پوهنې وزارت د تشکیلاتو رئیس مفتي عبدالحلیم حلیمي، د مرکز او ولایتونو د پوهنې آمریتونو د تدریسي او اداري څانګو د تشکیلاتي نیمګړتیاوو ارزونې په موخه، د کابل ولایت شکردره، کلکان، میربچه کوټ او قره باغ ولسوالیو ته ولاړ او د یادو ولسوالیو د پوهنې تشکیلاتي جوړښت یې په نمونوي توګه وارزاوه.
همدارنګه نوموړي د يادو ولسواليو د پوهنې له مسئولينو سره د ليدنو کتنو په ترڅ کې، د اداري او تدريسي تشکیلاتي جوړښت په اړه مفصلې خبرې وکړې.
په پام کې ده، چې په راتلونکي کې د اداري چارو د پرمختګ او تدریسي کیفیت لاښه والي په موخه، به د مرکز سربېره د ولایتونو پوهنې آمریتونو ارزونې هم ترسره شي.
