د لوړو زده کړو وزارت د تخصصاتو او جامعاتو ریاست مسئولینو د پوهنې وزارت د اسلامي زده کړو له معین سره وکتل
د لوړو زده کړو وزارت د تخصصاتو او جامعاتو ریاست مسئولینو د پوهنې وزارت د اسلامي زده کړو له معین الحاج مولوي کرامت الله آخندزاده سره د کتنې په ترڅ کې، د عالیه او عالمیه مدارسو د تدریس په ګډون په یو شمېر نورو مهمو موضوعاتو بحث او نظرونه تبادله کړل.
په پيل کې د پوهنې وزارت د اسلامي زده کړو معین د لوړو زده کړو وزارت د پلاوي هرکلی وکړ او د اسلامي زده کړو په برخه کې یې د علمي کادرونو د روزنې په تړاو د لوړو زده کړو وزارت له همکاریو مننه وکړه.
همدارنګه د دواړو لورو ترمنځ د عالیه او عالمیه مدارسو د تدریسي بهیر په تړاو نظرونه تبادله او لازم تصمیمونه ونیول شول.
په پای کې د پوهنې او لوړو زده کړو وزارتونو ترمنځ د دوه اړخیزه همکاریو د لازیاتې همغږۍ په موخه، د دا ډول غونډو او ناستو پر دوام ټینګار وشو.
