د پوهنې خبرونو ته لنډه کتنه
میدان وردګ
د پوهنې وزارت اړوند مسئولینو، د میدان وردګ ولایت په جلریز ولسوالۍ کې شاوخوا یو جرېب ځمکه چې د معارف ملکیت ؤ، له فرصت طلبه کسانو بېرته خلاصه او د یاد وزارت په ملکیت کې یې ثبت کړه.
هرات
د هرات ولایت پوهنې رئیس مولوي رحمت الله جابر او ورسره مل پلاوي د هلکانو او نجونو د تجربوي لېسو، انقلاب اسلامی، محجوبه هروي، سواد حیاتي، مولانا عبدالرحمن جامي او خواجه محمد تاکی له ښوونځيو څخه څارنه وکړه.
همدارنګه نوموړي د اداري او ښوونیزو پروګرامونو لاښه والي لپاره اړوند مسئولینو ته لازمې لارښوونې وکړې.
سرپل
یو مرستندویه بنسټ، د سرپل ولایت د پوهنې ریاست ۵۰۰ تنو کارکوونکو ته خوراکي توکي ووېشل.
د سرپل ولايت د پوهنې رئیس مولوي محمد رحماني، د مرستندویه بنسټ له مرستو څخه د مننې په ترڅ کې وويل: دغه مرستې د پوهنې په هغو مستحقو کسانو ووېشل شوې، کوم چې څه موده مخکې یې سروې ترسره شوې وه.
د یادو مرستو په کڅوړو کې اوړه، وریجې او یو - یو قطی غوړي شامل دي.
نورستان
د پوهنې وزارت په نورستان ولایت کې د پوهنې د یو ملاتړ بنسټ په همکارۍ، د یاد ولايت د وايګل ولسوالۍ په سيمه ييزه مدارسو کې د درسي توکو، کتابونو، اداري او درسي پاڼو د وېش لړۍ پيل کړه.
