د پوهنې وزارت د مالیې او حسابدارۍ رئیس غور ولایت ته رسمي سفر وکړ
د افغانستان.ا.ا. عالي مقام د مشرتابه د لارښوونې په بنسټ، د پوهنې وزارت د ماليې او حسابدارۍ رئیس مولوي صدرالدین سعد په مشرۍ پلاوی، د یو لړ رسمي چارو د ترسره کولو په موخه غور ولایت ته ورسېد.
په پیل کې پلاوي د غور پوهنې ریاست مشرتابه، ولایت مرستیال والي او د علماوو شورا له رئیس سره وکتل او د یاد ولایت د دیني مدارسو لپاره یې د لیلیو پر ټاکلو تفصیلي خبرې وکړې.
غونډه د قرآن کریم د څو مبارکو آیتونو په تلاوت سره پیل شوه، ورپسې د پوهنې وزارت د مالیې او حسابدارۍ رئیس د مدارسو لپاره د لیلیو چمتو کولو کړنلارې په اړه بحث او معلومات وړاندې کړل.
د غونډې ګډون والو د پوهنې وزارت له پلاوي سره د پوهنیزو چارو په اړه هراړخیزه بحث وکړ او خپل نظرونه یې له هغوی سره شریک کړل.
د غور پوهنې ریاست مشرتابه لارښوونه وکړه، تر څو د پوهنې وزارت له پلاوي سره په خپلو چارو کې همکاري وکړي.
