د پوهنې وزارت مشرتابه او د ۳۴ ولایتونو د پوهنې رئیسانو له عالیقدر امیرالمؤمنین حفظه الله سره وکتل
د پوهنې وزارت سرپرست وزیر الحاج مولوي حبیب الله آغا او ورسره د ۳۴ ولایتونو د پوهنې رئیسانو په کندهار ولایت کې له عالیقدر امیرالمؤمنین شیخ الحدیث هبة الله آخندزاده حفظه الله سره وکتل.
د یادې ناستې موخه د هېواد په کچه د پوهنې وزارت او په ولایتونو کې د پوهنې ریاستونو د لاسته راوړنو او پرمختګونو په اړه مشرتابه ته د راپورونو وړاندې کول وو.
په دې کتنه کې د ولایتونو د پوهنې رئیسانو هر یو په خپل وار سره د پوهنې په برخه کې د خپلو ولایتونو اصلاحي طرحې، لاسته راوړنې، پرمختګونه او د پوهنې په برخه کې ستونزې، ننګونې او وړاندیزونه شریک کړل.
د یادونې وړ ده، چې د ناستې په پای کې ټولو ګډونوالو یو ځل بیا له عالیقدر امیرالمؤمنین حفظه الله سره بیعت وکړ.
