له مرکز او ولایتونو څخه د پوهنې لنډ خبرونه

کندز
د کندز ولایت د پوهنې ریاست د عمومي زده کړو آمر قاري رحیم ګل احمدي د ښاري حوزې د یو شمېر ښوونځیو له تدریسي او اداري بهیر څخه څارنه وکړه.
هرات:
د هرات د پوهنې د څارنې آمر مولوي جلال الدین ابوالحسن او ورسره مل پلاوي یې د دغه ولایت د پول رنګینه او غلام نقشبندي دشتي هلکانو له لېسو څخه لیدنه او څارنه وکړه.
کاپیسا:
د کاپیسا ولایت د پوهنې ریس مولوي محمد فرید حقاني او ملګري پلاوي یې د دغه ولایت د ښوونکو د مسلکي ودې له آمریت او د عبدالغفور غفوري نجونو عالي لېسې له مسوولینو څخه لیدنه وکړه او ښوونکو ته یې د اداري او تدریسي چارو په اړه لازمې لارښوونې وکړې.
نورستان:
د دې ولایت د پوهنې ریاست په رسمي تالار کې د پوهنې ریاست د مسوولینو، دولتي چارواکو او د پوهنې وزارت د اسلامي زده کړو معینیت د مسوولینو په ګډون غونډه جوړه شوه.
د ياد شوي ولايت د پوهنې ريس مولوي تاج محمد مطمين د دغه ولايت له والي او د پوهنې وزارت د مدارسو او دارالحفاظونو له ريس مولوي عبدالرزاق صديقي سره د پوهنې د ستونزو په اړه خبرې وکړې او د حل غوښتنه يې وکړه. د دغو ستونزو له اورېدو سره سم د نورستان دولتي چارواکو او د پوهنې وزارت پلاوي د حل په موخه د هر ډول مرستو ژمنه وکړه.
کابل:
د کابل ولایت د پغمان ولسوالۍ د پوهنې د څارنې آمریت مسوولین وايي: د دې ولسوالۍ د ښوونځیو ښوونکي د بېلابېلو غونډو په ترڅ کې و ارزول شول او په منظور شویو فورمو کې یې ورته نمرې ورکړې.
له بلی خوا:
د دغه ولایت د شکردرې ولسوالۍ د پوهنې آمر مولوي ایام الدین حماسي د پوهنې په برخه کې د هغه د فعالیتونو او خدمتونو له امله د AESC له لوري وستایل شو.
په ورته ډول:
د کلکان ولسوالۍ د پوهنې د څارنې غړو د دې ولسوالۍ د ۲۴ تنو ښوونکو د ارزونې په ترڅ کې یې د نسوان بي بي سنګري عالي لېسې څخه هم څارنه وکړه او په بېلابېلو مواردو کې یې ښوونکو او زده کوونکو ته لازمې لارښوونې وکړې.