د صدا او CIC موسسو له مسوولینو سره ليدنه
د پوهنې وزارت د مقام رییس محترم عبدالحکیم همت د صدا او CIC، موسسو له چارواکو سره په خپل کاري دفتر کې وليدل او خبرې اترې يې وکړې.
دې ليدنه کې د پوهنې وزارت د مقام رئیس محترم عبدالحکیم همت، په داسې حال کې چې د پوهنې وزارت د عامه پوهاوي رئیس محترم ډاکټر نظر محمد عرفان، د پوهنې وزارت د بین المللي روابطو رئیس محترم وحید الله هاشمي هم حضور درلود، د پوهنې په برخه کې د يادو ادارو له مرستو مننه او قدرداني وکړه، د هيواد په پرمختګ کې يې د پوهنې نقش خورا مهم او اغيزناک وګڼه او زياته يې کړه: پوهنې وزارت يو ښوونیز بنسټ دى، او ماشومانو ته متوازن ښوونیز خدماتو وړاندې کول د پوهنې وزارت له برنامو څخه دي.
د صدا او CIC ادارو استازو د پوهنې وزارت د مقام رئیس سره ژمنه وکړه چې دوى به د پوهنيز نظام په پياوړتيا کې، د ماشومانو د خونديتوب، تعلیم او د ښځو روزنه او د والدینو د ظرفیت لوړ والي لپاره، د هيواد په بیلابیلو سيمو کې زده کوونکو لپاره د زده کړييزو آسانتياو برابرول او په ځینو نورو اداري او تعليمي برخو وغږيدل او خپل نظريات له پوهنې وزارت سره شريکې کړې.
په پاى کې د پوهنې وزارت د مقام رئیس محترم عبدالحکیم همت ، د هيواد له پوهنيز نظام سره د يادو ادارو له مرستو او همکاريو د مننې ترڅنګ ټينګار وکړ چې د هغوى مرستې د غوره، معياري او په انډول برابر چوپړتياو وړاندې کولو برخه کې پوهنې وزارت ته پياوړتيا بخښي.
