د پکتیا ولایت د دوو ښوونځیو سره د میز او چوکیو مرسته وشوه
د پوهنې وزارت، پکتیا: د پکتیا ولایت د مرکز اړوند د ګردېز ښار پر دوو ښوونځیو باندې د (۷۴۸۰۰۰) افغانیو په ارزښت مېز او چوکۍ و وېشل شول.
پکتیا ولایت کې د پاملرنې نړیوالې موسسې ولایتي دفتر د پکتیا پوهنې ریاست سره په ګډه همغږۍ مرکز ګردېز کې د حضرت بلال لېسې او د بالادې نجونې لېسې باندې (۳۰۰) پایې درې کسیز مېز او چوکۍ ووېشل.
یاد شوي مېزونه او چوکۍ د پاملرنې موسسې ولایتي مسول قاضي سبحان الله عظیمي، د پوهنې رییس کوچي ځاځي او د ښاري پوهنې آمر عبدالناصر حکمت له لوري ذکر شویو ښوونځیو ته تسلیم کړل شول.
په هغه غونډه کې چې په همدې موخه جوړه شوي وه د پوهنې ریس کوچي ځاځي د اړوندو ښوونځیو مسؤلینو ته سپارښتنه و کړه، چې د یادو لوازمو څخه ښه ساتنه و کړي او تر څنګ یې د پاملرنې موسسې له ولایتي مسؤل څخه مننه و کړه، چې د همېش لپاره یې له پوهنې ریاست سره د اړتیاوو په پوره کولو کې مرستې کړې دي.
همداشان پوهنې ریس او د ښاري پوهنې آمر په ګډه د پاملرنې موسسې له ولایتي مسؤلینو څخه غوښتنه و کړه، چې په یاده برخه خپلو همکاریو ته دوام ورکړي.
