د ننگرهار سره رود ولسوالۍ د صنعتي پارک لومړني ښوونځي په رسمي بڼه خپل فعالیت پېل کړ
د پوهنې وزارت_ننګرهار: د ننگرهار سره رود ولسوالۍ د صنعتي پارک لومړني ښوونځي په رسمي بڼه خپل فعالیت پېل کړ.
په هغه غونډه کې چې په همدې موخه په یاد ښوونځي کې جوړه شوي وه ، د پوهنې ریاست مالي او اداري مرستیال سید عیسی سادات په خپلو خبرو کې وویل دغه ښوونځي چې له تیرو څو کالو راهیسې یې دپوهنې ریاست له تشکیلاتودباندې د مرستندویه ادارو په مرسته فعالیت درلود دسیمې د خلکو په غوښتنه او دپوهنې د ریس د ځانګړې پاملرنې له مخې یې تشکیلاتي جوړښت د پوهنې جلیله وزارت ته وړاندی او دښوونکو دڅلورو او ادارې کارکوونکي دیو بست په ورکولو سره دسره رود ولسوالۍ د صنعتي پارک لومړنی ښوونځی په رسمي بڼه او دپوهنې ریاست په تشکیلاتو کې د شامل ښوونځي په توګه خپل فعالیت پېلوي.
دپوهنې ریاست مالي او اداري مرستیال د سیمې له مشرانو هم مننه وکړه چې د ښوونځي په رسمي کولو کې یې هلې ځلې کړې دي. هغه له مشرانو وغوښتل چې ددې ښوونځي سره خپلې مرستې جاري وساتي او دستونزو په حل او نیمګړتیاو په پوره کولو کې هم همکاری وکړي، چې دسیمې خلکو هم له یاد ښوونځي سره د همکارۍ جاري ساتلو ژمنه وکړه.
دسره رود ولسوالۍ دپوهنې امر محمد عثمان لنګرخیل پر وینا د سره رود ولسوالۍ د صنعتي پارک لومړنی ښوونځی ددولس سوه تنه زده کوونکې چې نیمایي یې نجونې دې پر زده کړو بوخت دي چې د سویډن کمیټې له لورې د دوه دیرش تنو ګومارل شویو ښوونکو له لورې یې دزده کړو بهیر پر مخ بیول کیږي.دسیمې خلکو هم له یاد ښوونځي سره د همکارۍ جاري ساتلو ژمنه وکړه.
