خوست کې د خپلواکۍ د سلمې کلیزې په ویاړ د زده کوونکو تر منځ د شعرونو او مقالو ویلو سیالي ترسره شوه
د خپلواکۍ د سلمې کلیزې په ویاړ د خوست ولایت د پوهنې ریاست په نوښت د زده کوونکو تر منځ د شعرونو او مقالو ویلو سیالي ترسره شوه.
په هغه سیالۍ کې چې د خوست ولایت د مرکز اړوند د الفتح عالي مرکزي لېسې زده کوونکو تر منځ په همدې موخه په جوړه شوي وه زده کوونکو په خپلو شعرونو او مقالو کې د هېواد د خپلواکۍ ګټونکو اتلانو په ځانګړې توګه د غازي امان الله خان یادونه وکړه، او د دوی کارنامې یې وستایلې.
د مراسمو په پای کې د تمثیلي ټوټې تر څنګ یو شمېر ممتاز زده کوونکي هم د ښوونکو له لوري په ډالیو ونازول شول.
