ډايکنډي ولايت کې يو ورځنى روزنيز ورکشاپ جوړ شو
پوهنې وزارت،ډایکنډي : د ډایکنډي ولایت د اداري اصلاحاتو او ملکي خدمتو نو ریاست لخوا د دې ولایت پوهنې ریاست کې د اجرااتو ارزونې د نوې کړنلارې په اړه ورکشاپ جوړ شو.
د ډایکنډی ولایت پوهنې رئيس رحمت الله سیرت د یاد ورکشاپ د جوړولو په پار د اداري اصلاحاتو او ملکي خدمتونو د ریاست له همکارۍ مننه وکړه ، او وې ویل: د پوهنې ریاست ټول کارکوونکي به هڅه وکړي څو د دې میتود په زده کولو سره ، ټاکل شويو موخو ته د رسيدو په پارخپلې دندې په وخت سره ترسره کړي.
او دا کار له هر کارکوونکي سره مرسته کوي څو د خپلو دندو او مسؤلیتونو په وړاندې مسؤل اوسي.
همدارنګه د اداري اصلاحاتو او ملکي خدمتونو آمريت د ارزونې کار پوه ښاغلي میثم فاطمي هم د اجرااتو ارزونې نوى پلان د ملکي کارکوونکو د ظرفیت لوړولو ، د خدماتو د وړاندې کولو او د ښيې حکومتولۍ د اصل په عملي کولو کې خورا ګټور وباله.
په دې یوه ورځني ورکشاپ کې ، د پوهنې ریاست له ټولو برنامو څخه ۹۰ تنو کارکوونکو ګډون درلود چې د پلان جوړولو، څارنې ، راپور ورکولو او د ارزونې څرنګوالي په هکله يې اړينې زده کړې تر لاسه کړې.
د یادولو وړ ده د کړنو د ارزونې نوی میتود ۱۳۹۹ لمریز کال کې منظور شوی او دا پلان به د ۱۴۰۰ مالي کال په اوږدو کې د ملکي خدمتونو په ټولو څانګو کې پلى شي.
