په کندهار ولایت کې د مسلکي پراختیا غړو لپاره د وړتیا لوړونې سیمینار پرانیستل شو
د پوهنې وزارت د سوېل لوېدیز زون د مسلکي پراختیا آمریت له لوري د مسلکي انکشاف غړو لپاره د ظرفیت لوړونې ۶ ورځنی سیمینار په رسمي ډول په کندهار ولایت کې پیل شو.
په دې علمي ناسته کې د پوهنې وزارت د نصاب او مسلکي پراختیا لوی رئیس محترم الحاج مولوي اولګل ایوبي، د یادو ولایتونو د پوهنې مسؤلین، او د کندهار، زابل، هلمند او ارزګان د مسلکي برخو غړيو ګډون کړی و.
د پرانیستغونډې ویناوالو د دې ډول سیمینارونو پر ارزښت ټینګار وکړ او څرګنده یې کړه، چې د مسلکي کادرونو د وړتیا لوړول د ښوونې او روزنې د کیفیت د تضمین یو بنسټیز اصل دی او اړینه ده چې ورته ځانګړې پاملرنه وشي.
