پکتیکا ولایت کې د ۴ میلیونه افغانیو په لګښت د ۹ بابه ښوونیزو مرکزونو د ترمیم قرارداد لاسلیک شو
د پکتیکا ولایت پوهنې ریاست، د ۹ بابه ښوونیزو مرکزونو د ترمیم او اساسي بیارغونې قرارداد له یوه خصوصي ساختماني شرکت سره لاسلیک کړ.
د یادې پروژې ټولیز لګښت ۴ میلیونه افغانۍ دی، چې له مخې به یې د ۸ بابه ښوونځیو او یوې دیني مدرسې ودانۍ ترمیم شي.
د پکتیکا د پوهنې رئیس محترم مولوي عبدالوکیل خالد په وینا، د دغې پروژې ترمیماتي چارې به د دوو میاشتو په موده کې بشپړې شي، چې په پایله کې به زدهکوونکي له مناسب ښوونیز چاپېریال څخه برخمن شي.
