پکتیکا ولایت کې د یو مېلیون افغانیو په لګښت د یوې دیني مدرسې جوړولو کارونه پیل شول
د پکتیکا ولایت سرروضې ولسوالۍ په یخګیري سیمه کې د عامو خلکو له لوري د یو مېلیون افغانیو په لګښت، د یو باب دیني مدرسې جوړولو چارې پیل شوې.
د یاد ولایت پوهنې رئیس محترم مولوي عبدالوکیل خالد د دغې مدرسې جوړولو هرکلی وکړ او دا یې له دین او علم سره د خلکو د مینې او علاقې یوه څرګنده نښه وبلله.
په پام کې ده چې د مدرسې دغه ودانۍ د نورو اړینو اسانتیاوو سره څلور درسي خونې ولري او تر اوسه پورې یې په جوړولو ۳۰۰ زره افغانۍ لګول شوي دي او د کار تر پایه پورې به ۷۰۰ زره نورې افغانۍ لګښت هم پرې راشي.
د پوهنې وزارت مشرتابه د پکتیکا ولایت علم پروره ولس له مالي ملاتړ هرکلی کوي.
