پکتیا ولایت کې د څه کم ۳۴ مېلیونه افغانیو په لګښت د درسي موادو وېش لړۍ پیل شوه
د پکتیا ولایت پوهنې ریاست د یوې همکارې ادارې په ملاتړ، د ښوونیزو موادو او مرستندویه خېمو د وېشلو پروسه پیل کړه.
په دې مرستو کې درسي کتابونه، د زدهکوونکو او ښوونکو لارښودونه، اداري بستې، د ښوونکو کڅوړې او د مارکر قلمونه شامل دي، چې ټولټال لګښت یې نږدې ۳۴ مېلیونه افغانۍ دی.
د پوهنې رئیس محترم مولوي عبدالقیوم فاروقي د یادو درسي توکو وېش مراسمو کې، د مرستندویه بنسټ له مرستې څخه مننه څرګنده او ویې ویل: "دا مرسته به د ښوونکو او زدهکوونکو د مسلکي او ښوونیزو اړتیاوو لویه برخه پوره او د ښوونځیو ستونزې به حل کړي."
د پوهنې وزارت مشرتابه، د همکارو بنسټونو له مادي او معنوي ملاتړ څخه مننه کوي.
