پوهنې وزیر د غلام حیدر خان په عالي لیسه کې د آزموینو له دوام څخه لیدنه وکړه
پوهنې وزارت- کابل: پوهنې وزیر ډاکتر محمدمیرویس بلخي د کال مینځني (څلورنیم میاشتنیو) آزموینو څخه چې په ساړه موسم لرونکو ولایتونو کې پیل شوي دي، د کابل ښار غلام حیدر خان په عالې لیسه کې د آزموینو له دوام څخه لیدنه وکړه.
د دې لیدنې په دوام کې د پوهنې وزیر له نژدې د دې آزموینو د اخیستلو له تګلاري څخه لیدنه وکړه.
ډاکتر بلخي له نژدې څخه د یو شمیر زده کوونکو سره خبري وکړي او د زده کړو او ښوونځي خپلې تجربې يې له زده کوونکو سره شریکې، او د افغانستان په روښانه راتلونکي کې يې د هغوي په مهم رول خبرې وکړي.
پوهنې وزیر همدارنګه د یادې لیسې له مختلفو څانګو څخه کتنه وکړه.
د یادونې وړ ده چي د غلام حیدر خان عالې لیسه د کابل ښار په ۱۱ تعلیمي حوزه کې موقعیت لري چې په یادې لیسې کې ۱۰۰۰۰ لس زره زده کوونکي له لمړي ټولګي څخه تر ۱۲ دولسم ټولګي پورې په زده کړو بوخت دي.
