په ګرم سیرو ولایاتو کې د څلور نیم میاشتنیو ازموینو پیل
د پوهنې وزارت د ښوونیزې لایحې له مخې، هر کال د وري میاشتې په پنځلسمه نېټه د هېواد په ګرم سیرو ولایتونو کې په ټولو ښوونځیو او مدارسو کې څلور نیم میاشتني ازموینې پیلېږي.
د يادې شوې قانون له مخې په ګرمسېرو په ولايتونو کې يادې شوې ازموينې په همدغه نېټه پيل شوې، چې د يادو ولايتونو د پوهنې رياستونو د مسوولینو او د څارنې د غړو له خوا د ټولو ښوونځیو او مدارسو له ازموینو څخه لیدنه وکړه.
ریسانو او د څارنې بورډ مسوولینو د ازموینو له بهیر څخه د کتنې پرمهال له زده کوونکو وغوښتل، ترڅو د ازموینې اصول په پام کې ونیسي او له مسوولینو یې وغوښتل، ترڅو د ازموینو په بهیر کې د روڼتیا اصل ته پاملرنه وکړي.
د یادو ولایتونو د پوهنې د مسوولینو په وینا، د پوهنې له آمرینو، مدیرانو او مسوولینو سره په دې تړاو جلسې نیول شوې وې، چې په دې برخه کې یې هغوی ته لازمې لارښوونې شوې وې دغه مسوولین د خپلو ترتیب شویو پلانونو له مخې غواړي، چې د ازموینو بهیر تر پایه په دوامداره توګه له نږدې وڅاري.
