په کونړ کې د ښوونځيو د زده کوونکو تر منځ د والیبال ټورنیمنت پیل شوې
د پوهنې وزارت_کونړ: د کونړ ولایت د پوهنې رياست په مشرۍ او د يونسيف ادراې په هر اړخيزې همکارۍ د تجربوي لېسې په انګړ کې د واليبال ټورنمېنټ پيل شو.
د پوهنې د رييس استاد مجيب الرحمان همدرد په وينا یاد ټورنمېنټ د ماشومانو د حقونو د نړيوال کنوانسيون (CRC) د دېرشمې کليزې په وياړ جوړ شوی دی.دغه ټورنمېنټ به درې ورځې دوام ولري او چې دا ټورنمېنټ د ماشومانو د حقونو د نړيوال کنوانسيون (CRC) د دېرشمې کليزې په وياړ جوړ شوی دی. چې اته لوبډلې په کې ګډونوالې دي چې درې يې له مرکزه او پينځه يې له ولسواليو غوره شوي دي. د پوهنې د رييس په خبره د دې ټورنمېنټ هدف د ماشومانو د زده کړو حق ورکول، د هغوی روغتيا ته ځانګړې پاملرنه کول او په ټوله کې د ماشوم د ښې روزنې او پالنې په مانا دی. هغه دا هيله هم څرګنده کړه چې ټولې لوبډلې د صميميت او ورورولۍ په فضا کې سيالۍ وکړي او د سپورتي اخلاقو زده کړه هم په کې ترلاسته کړي.
