په کاپیسا ولایت کې د پوهنې اجرایوي مدیرانو لپاره د پوهاوي پروګرام جوړ شو
د کاپیسا ولایت مرکز او ولسوالیو د پوهنې اجرایوي مدیرانو د کاري وړتیاوو لوړولو لپاره، د یادولایت د پوهنې ریاست ارزونې غړو لخوا "د ملکي خدمتونو د منسوبینو ارزونې په اړه "د روزنې او پوهاوي پروګرام ترسره شو.
په یاد پروګرام کې د دولتي کارکوونکو د ارزونې د میکانیزمونو، اصولو او کړنلارو په اړه اړین توضېحات ورکړل شول، چې اصلي موخه یې د ارزونې پروسې سره د مدیرانو آشنا کول او د ملکي خدمتونو د اداري اصولو او مقرراتو په چوکاټ کې د اداري چوپړونو کیفیت لوړول دي.
