په پکتیکا ولایت کې د «ریاض العلوم مدرسه» تاسیس شوه
د پکتیکا ولایت ارګون ولسوالۍ اړوند په ترمیره پیرکوټي کلي کې د «ریاض العلوم دیني مدرسه»، د پوهنې ریاست مسئولینو، د علماوو شورا او نورو سیمه ییزو ادارو د استازو په ګډون د یو لړ مراسمو په ترڅ کې پرانیستل شوه.
د یادې مدرسې ټولیز لګښت يو ميليون او ۵۰۰ زره افغانۍ راغلی دى، چې د دغه ولسوالۍ د خلکو له لوري د یو تن معارف دوست شخصیت مطيع الله ابو عمر په سرپرستۍ ورکړل شوی.
د يادې مدرسې د پرانيستې په مراسمو کې ويناوالو هر يوه د ټولنې په اصلاح او پرمختګ کې د پوهنې پر اهميت خبرې وکړې او د پوهنې وزارت له پروګرامونو يې خپل ملاتړ اعلان کړ.
د پوهنې وزارت مشرتابه د «ریاض العلوم مدرسې» د ودانۍ په جوړولو کې د پکتیکا ولایت ارګون ولسوالۍ د خلکو له مرستو څخه مننه او قدرداني کوي.
