په ننګرهار کې خواوشاه د دری نیم ملیونو افغانۍ په ارزښت پروژې ګټې اخیستنې ته وسپارل شوې
د پوهنې وزارت_ ننګرهار : دننګرهار ولایت په خوږیاڼیو ولسوالۍ کې دپوهنې په برخه کې د خواوشاه دری نیم ملیونه افغانۍ په ارزښت پروژې ګټې اخیستنې ته وسپال شوې.
ددې پروژود ګټې اخیستنې په مراسمو کې دپوهنې ریس حسیب الله شینواري په خپلو خبرو کې وویل ښوونځي دخلکو شتمني ده او ساتنه یې هم په خلکو پورې اړه لري . هغه وویل خوشحاله ده چې د خوږیاڼیو په ولسوالۍ کې د شهر نو لومړنې ښوونځي ودانۍ افتتاح کوي.
دشهرنو لومړنې ښوونځي ودانې په پاخه او اساسي ډول د ښار جوړونې ریاست له لوري د پوهنې وزارت دپرمختیایی بودجې څخه د یو میلیونو او ۶۰۰ زره افغانیو په لګښت جوړ شوي، چې ۶ درسي ټولګي، دڅښاک داوبو ژوره څاه،داحاطې دیوال ، ۵ تشنابونه او نور اړین ملحقات لری .
همدارنګه د بربهار ،کمبو او خیرمینې لیسو لپاره د څښاک دپاکو اوبو او تشنابونو جوړولو پروژې چې ټولیز لګښت یې یو میلیون او اته سوه زره افغانۍ کیږي شاملی دي .
دپوهنې ریس همدارنګه وویل دنوي مالي کال په اوږدو کې به په خوږیاڼیو ولسوالۍ کې د ګڼو نورو پروژو د ګټې اخیستنې شاهدان اوسو . نوموړي ولس ته ډاډ ورکړ چې اوس به دهرې پروژې په اړه ولس ته حساب ورکوي اوپه پروژو کې به دشفافیت اصل په ټینګه په پام کې نیول کیږي. دپوهنې ریس دغه راز د خوږیانیو ولسوالۍ د کږې د نجونو لېسې دفراغت په مراسمو کې هم برخه واخیسته او دغو زده کوونکو او دهغوې کورنیو ته یې د مبارکۍ ویلو تر څنګ هغوې نورو زده کړو کولو ته وهڅولې.
په مراسموکې په ولسي چارو کې د جمهور ریس سلاکار جاوید زمان او دسیمې څو تنو ځایي مشرانو هم خبرې وکړې او ددغو پروژو ګټې اخیستنې ته دسپارلو له امله یی خوښي وښوده .
