په غزني ولایت کې د یوه وګړي له لوري قرآن کریم په لاس ولیکل شو
د غزني ولایت د قرباغ ولسوالۍ اوسېدونکي محمد اسماعیل محبت د قرآن کریم ټولې سپارې په خپل لاس ليکلي دي.
د غزني ولايت پوهنې رئيس له ياد وګړي سره د ليدنې پر مهال له نوموړي ستاينه وکړه او هغه یې د آخرت لپاره يوه ښه تحفه وبلله.
دغه راز نوموړي ياد شخص ته د ستاینلیک د ورکړې په ترڅ کې وویل: دغه هېوادوال په شپږو میاشتو کې د قرآن کریم د ټولو نسخو په لیکلو توانېدلی دی.
د غزني پوهنې رئیس د هېواد په لویو نندارتونونو کې د دغه مقدس کتاب نندارې ته د وړاندې کولو غوښتنه وکړه.
له بلې خوا محمد اسماعېل محبت د ياد ولایت د پوهنې ریاست له هڅونې او ملاتړ څخه مننه وکړه او د خپلو کړنو پر دوام یې ټینګار وکړ.
