له ولایتونو څخه د پوهنې خبرونه

نورستان
 د کامدېش ولسوالۍ د پوهنې آمر مولوي مجيب الرحمن ثوبان او ورسره پلاوي په دې ولسوالۍ کې له يو شمېر لېسو د اداري او تدريسي مسايلو د څېړلو تر څنګ  په ياده ولسوالۍ کې د حمایوي دارالعلوم له ښوونيزو فعاليتونو څخه هم څارنه وکړه.
 په دې کتنه کې نوموړي د يادو بنسټونو له مسوولينو وغوښتل، چې د پوهنې د ودې او پرمختګ او د پوهنې د کيفيت د لوړولو لپاره کار وکړي.

میدان وردک
د میدان وردګو ولایت دايميرداد ولسوالۍ د پوهنې آمر مولوي سردار ولي مدقق د يادې ادارې له کارکوونکو سره ناسته وکړه او له هغوى يې وغوښتل، چې د ښوونځيو ښوونيز فعاليتونه له نږدې وڅاري، ترڅو درسونه د اصولو او کاري پلانونو له مخې پر مخ ولاړ شي.

کندهار
د کندهار ولايت د نېش ولسوالۍ د پوهنې آمر مولوي محمود احرار د دغه آمریت په اړوندو سيمو کې د سیمه ییزو زده کړو د ټولګيو لپاره د کتابچو د وېش له بهير څخه د څارنې ترڅنګ د بیت المال د وسایلو پر ساتنې ټینګار وکړ او زده کوونکي یې زده کړو ته وهڅول. او همدارنګه له ښوونکو یې وغوښتل چې خپل ورځني تدریسي چارې د جوړ شوي درسي پلانونو سره سم پرمخ یوسي.

لغمان
د قرغيو ولسوالۍ د پوهنې آمر مولوي عبدالرزاق سيار د دولتي او خصوصي مدارسو له مديرانو سره په کتنه کې له ګډونوالو وغوښتل، چې د هېواد د بچيانو د درسونو د کيفيت او د زده کړې په برخه کې جدي هڅې وکړي.

له همدې ولایت څخه بل خبر
د قرغیو ولسوالۍ د تعلیمي څارنې غړو د زېړاني د نجونو د منځني ښوونځي تدریسي او اداري چارې وڅارلې، زده کوونکو ته یې نمونوي درسونه ورکړل او ښوونکو ته یې د ښوونیز وضعیت د ښه والي په موخه لارښوونې وکړې.