له ولایاتو څخه د پوهنې د فعالیتونو خبرونه
هرات:
د هرات ولایت د مرکزي جهادي مدرسې او اسلامیه دارالعلوم د ۲۱۰ تنو فارغانو د فراغت مراسم د پوهنې وزارت د کیفیت د تضمین معین الحاج مولوي عبدالخالق صادق او د دغه ولایت د والي، د پوهنې د ریس، د پوهنې د مسوولینو، دیني عالمانو او د فارغانو د والدینو په حضور کې د هرات په جامع جومات کې ترسره شو. د پوهنې وزرات د کیفیت د تضمین معین او نورو مسوولینو د دیني مدارسو او همدا دول د علم او پوهې پر ارزښت خبرې وکړې او زده کوونکي یې له خپلو مسوولیتونو څخه خبر کړل.
لوګر:
د لوګر د پوهنې ریاست د اسلامي زده کړو آمر مفتي سید ضیاءالاحمد صارم د دغه ولایت ازري ولسوالۍ ته تللی او هلته یې د دې ولسوالۍ د ښوونځیو د دولسم ټولګيو زده کوونکو د فراغت په مراسمو کې د ګډون او وینا پر مهال یې محمدولي منصور د دې ولسوالۍ د پوهنې آمریت د امام او مبلغ په توګه ټولو ګډونوالو او کارکوونکو ته معرفي کړ.
خوست:
د پوهنې وزارت د چارواکو له غوښتنو سره سم انجینیر احمدالله د خوست ولایت د پوهنې ریاست د تدارکاتو د مدیر په توګه معرفي او په کار یې پیل وکړ.
ننګرهار:
د جاپان هېواد د UMCA موسسې د ننګرهار ولایت د پوهنې ریاست سره په همغږۍ د دې ولایت د اچین ولسوالۍ د ۴۵ ښوونځیو لپاره ۳۵۰ د لیکلو لپاره تورې تختې، ۳۵۰ تختې غالۍ او نور د کار وړ شیان یې مرستې وکړې.
همدارنګه:
د ننګرهار د پوهنې ریاست مسوولین وايي: د یونیسف ادارې د ایکوار موسسې په مرسته د دغه ولایت د خوګیاڼو ولسوالۍ د چمتلي په عالي لېسه کې د اوبو د زېرمه کولو او د اوبو په څاګانو کې د لمریزې برېښنا د سیسټم په نصبولو سره WASH سیستم فعال شو. د دغه سیستم په جوړیدو سره به د دغه ولایت د زرګونو زده کوونکو اړتیا پوره شي.
